Журналистлар мерганликда ўзларини синаб кўришади

Ана шундай турнирлардан бири ўқ отиш бўйича ўтказилади. Ўзбекистон мудофаасига кўмаклашувчи “Ватанпарвар” ташкилоти томонидан ташкил этилаётган мусобақада телевидения, радио, босма ва интернет нашрларда фаолият юритаётган барча ҳамкасбларимиз иштирок этишлари мумкин.

Шу ойнинг 20-23 июнь кунлари мусобақа иштирокчилари рўйхатга олинади. Унда қатнашишни истаган телевединие, радио, босма, интернет оммавий ахборот воситалари шу муддат ичида ўз ходимлари рўйхатини тақдим этишлари керак.

Шундан сўнг иштирокчилар 24 июнь куни 13:00дан 17:00га қадар ўқ отиш бўйича машқларда қатнашиш ҳуқуқига эга бўладилар. 27 июнь куни эса мусобақанинг асосий беллашувлари бўлиб ўтади. Ўша куни соат 11:00да тадбирнинг очилиш маросими ташкил этилади. 28 июнь куни ғолиб ва совриндорлар номига аниқлик киритилиб, мусобақанинг ёпилиш маросими бўлиб ўтади.

Маълумот учун телефон: 223-67-12.

ОАВ иштирокчилар иштирокчилар рўйхатини шу рақамга факс орқали ҳам юборишлари мумкин.