06 июл 11:13
Янгиликлар
Бокс/ММА
Камарга яқинлашаётган Муҳаммад Шехов иштирокидаги жанг тўлиқ давом этди
Россиянинг Екатеринбург шаҳрида RCC Boxing Promotions томонидан ташкил этилган проф бокс оқшомида бухоролик Муҳаммад Шехов ўзининг навбатдаги жангини ўтказди.
Ўзбекистон ва Россия байроқлари билан рингга чиқиб келаётган чарм қўлқоп устамизга аргентиналик мағлубият нималигини билмай келаётган боксчи Родриго Фабиан Руис рақиблик қилди.
Еттинчи раунднинг сўнгги сонияларида Руис Шеховни кучли ва аниқ зарба эвазига нокдаун ҳолатига тушириб қўйишга муваффақ бўлди. Ўнинчи раундда Муҳаммад ўша нокдаун энди ўзининг нокдаунли зарбаси билан жавоб қайтарди.
Ўн раунд тўлиқ давом этган шиддатли жангда уччала ҳакам ҳам Муҳаммад Шеховнинг 97–91, 96-92, 95–93 ҳисобидаги ғалабасини таъминлади. Бу 33 ёшли боксчимизнинг фаолиятидаги 17-ғалабаси бўлди. Ҳисобида битта дуранг ҳам бор. 24 ёшли Родриго Фабиан Руис (22–1, 16КО) эса фаолиятидаги илк мағлубиятини айнан Шеховдан қабул қилиб олди.
Ҳавола :
Фикрлар