Камарини Ғиёсовга "қолдирган" Энниснинг навбатдаги жангини қачон ўтказиши айтилди

Америкалик 27 ёшли чарм қўлқоп устаси айнан шу мақсадда яримўрта вазндаги чемпионлик камарини вакант, яъни эгасиз қолдириб, биринчи ўрта вазнга ўтишини эълон қилганди. Боксчининг промоутери Эдди Хирн янги вазндаги дебют август ойида ўтказилишини айтди. 

"У биринчи ўрта вазнни даҳшатга солади. Нафақат биринчи ўрта вазнда, балки бир йилдан кейин ўрта вазн тоифасида ҳам назоратни ўз қўлига олади. У йирик гавда тузилишига эга ва ҳозирги 3 кг ортиқча вазн унинг янги вазндаги иштироки самарали бўлишини таъминлайди. Эннис август ёки сентябрь ойида рингга қайтади. Вержил Ортис, Бахрам Муртазалиев, Себастьян Фундора, умуман биринчи ўрта вазннинг барча етакчиларига қарши жанг қилишга тайёр бўлади. Янги вазн унинг имкониятларини 100 фоизга очиб беради", — деди Хирн. 

Маълумот учун, Эннис ўтаётган биринчи ўрта вазнда ҳамюртимиз Исроил Мадримов ўз жангларини ўтказиб келмоқда.