Камару Усман допинг билан боғлиқ муаммони эслади

"Одамлар доимо мени айблашади. Чунки ҳеч қачон ўзим ҳақимда сўзлаб бермаганман. Улар ошқозонимда бешта чандиқ борлигини кўрсатиб, мени ранжитадилар. 

Бу воқеани айтиб беришга уялганман. Коллежнинг биринчи йилида қўлларим ва ошқозонимда тошмалар пайдо бўлди ва мен ҳар доим машғулотдан сўнг дарҳол душ қабул қиладиган озода одамга айланганман. Кейинчалик тошмалардан қон оқа бошлади ва бу нормал ҳолат эмаслигини тушундим", — деди Усман Жо Роганга берган интервьюсида.

Усманнинг сўзларига кўра, у шифокорга мурожаат қилган ва ҳавотир оладиган ҳеч нарса йўқлигини айтишган.

"Шифокорлар тошмаларга тегишни тақиқлашди. Улар вақт ўтиши билан йўқолиб кетишини айтишган эди. Лекин менинг аҳмоқлигим туфайли тошмалар қонай бошлади. Энди менинг ошқозонимда чандиқлар бор ва одамлар мени допинг истеъмол қилганликда айблашади. Гарчи мен тақиқланган моддаларни истеъмол қилмаган бўлсам ҳам. Рақибларим ичида бундайлар бор", — дея қўшимча қилди Усман.

Эслатиб ўтамиз, Усман - Эдвардс жанги 21 август куни бўлиб ўтган ва баҳс якунланишига бир неча сония қолган бир пайтда Леоннинг нокаутли ғалабаси билан якунланган эди.