Камару Усман Исраэл Адесаньяга ишонади

Шунга қарамай, яна бир собиқ чемпион Камару Усман дўстини жангчи сифатида ҳали ҳам рақобатбардош деб ҳисобламоқда. 

"Мен Исраэлнинг мухлисиман. Лекин ўзим ҳам шундай вазиятларда бўлган жангчи сифатида унинг ҳолатига ҳавас қилиб бўлмаслигини яхши тушуниб турибман. Аммо қанчалик оғир бўлмасин, унинг кучли бўлиб қайтишига ишонаман. У ҳали ҳам кўп нарсага қодир - бу кўриниб турибди. Адесанья ҳали ҳам рақибларни "қисм"ларга ажратиши мумкин. Лекин бундай вазиятга тушиб қолганингизда, ўзингизга шубҳа қилмасликнинг деярли иложи йўқ.

Кўтарилган ва ёш бўлганингда, шунчаки чиқиб, кетма-кет ғалаба қозонасан. Шубҳа қилишга вақтинг йўқ. Сенда шундай ички кайфият бор. Аммо сен чўққида бўлганингда ва секин-аста пастга туша бошлаганингда, шубҳалар бу пасайиш билан бирга келади. Менда бу ҳали ҳам борми? Мен ҳали ҳам эплай оламанми? Мен ҳали ҳам шу даражадаманми? Бу каби саволларнинг кети узилмайди. Шунинг учун бир иложини қилиб, денгизга лангар ташлаб, қайиқни орқага қайтариш керак", - деди Усман.

Маълумот учун, Исраэль Адесаньянинг сўнгги ғалабаси 2023 йилга тўғри келмоқда. Ўшанда у Алекс Перейрани нокаутга учратиб, ўрта вазн тоифасидаги чемпионлик камарини қайтариб олганди. Шундан кейин нигериялик Шон Стрикленд, Дрикус Дю Плесси, Нассурдин Имавов ва Жо Пайферга имкониятни бой берди.