Камару Усман: "Махачев билан жанг мени қўрқитяпти"

Нигериялик аралаш яккакураш устаси Исламнинг даъвогарлар Майкл Моралес ва Карлос Пратесда ҳеч қандай таҳдид кўрмаётгани ва айнан ўзини энг хавфли рақиб деб билиши ҳақидаги фикрига қўшилади.

"Менимча, Ислам ҳақ. Пратес ва Моралес фантастик ишни амалга оширишди. Шу билан бирга Пратес, эҳтимол, ҳозирда мен энг яхши кўрадиган ярим ўрта вазн тоифаси вакилидир. Унинг жангларини энг кўп мен томоша қилсам керак. Менимча, агар дивизионда мен ва Исламга ўхшаган йигитлар турганда, Пратес чемпион бўлган тақдирда ҳам Жек Делла Маддалена билан содир бўлган воқеа муқаррар равишда унинг бошига тушган бўларди. Бирортамиз у билан ҳам худди шундай қилган бўлардик. Исламга қараганимда, унинг жангида камчилик кўрмайман ва бу мени қўрқитади. Лекин айнан ўшанда мен энг таъсирли ўйинларни кўрсатаман. Охирги марта буни Колби Ковингтон билан жангда ҳис қилганман", - дея Усманнинг сўзларини келтиради Bloody Elbow.

Якшанба тонгида Нью-Йоркда бўлиб ўтган UFC 322 турнирида Ислам Махачев ҳакамларнинг якдил қарори билан Жек Делла Маддалена устидан ғалаба қозониб, австралияликдан чемпионлик камарини тортиб олганди. Майкл Моралес ва Карлос Пратес эса ушбу турнир доирасида мос равишда Шон Брэди ва Леон Эдвардс устидан муддатидан олдин ғалаба қозонган эди.