20 май 10:53
Янгиликлар
Бокс/ММА
Камару Усман UFC'нинг янги чемпиони Оливейрани Нурмагомедов билан таққослади
Ярим ўрта вазнда амалдаги UFC чемпиони Камару Усман енгил вазнда янги чемпион Чарльз Оливейрани собиқ чемпион Хабиб Нурмагомедов билан таққослади.
Бир неча кун олдин Оливейра Майкл Чандлерни мағлубиятга учратди ва UFC'нинг бўш қолган камарини қўлга киритди.
"Оливейра мени лол қолдирди. Мен унинг карьерасини яхши кўраман. Аммо турли даражалар мавжуд. Ва менимча, Хабиб бошқа даражада", - Усманнинг сўзларини келтиради ТМZ
Эслатиб ўтамиз, Чарльз Оливейра ва Майкл Чандлер ўртасидаги жанг Хьюстондаги (Техас, АҚШ) UFC 262 турнирининг асосий воқеаси эди. Хабиб Нурмагомедов спортни тарк этгандан кейин енгил вазн тоифасидаги UFC камари бўш қолди. Оливейра иккинчи раундда рақибини нокаутга учратди. Шу тариқа, бразилиялик спортчи ушбу лигадаги дебютидан деярли 11 йил ўтиб чемпион бўлди.
Ҳавола :
Манба : MMA Junkie
Фикрлар