05 авг 14:28
Янгиликлар

Теннис

Камила Палермодаги иштирокини ғалаба билан бошлади

Италиянинг Палермо шаҳрида рестартдан кейинги илк WTA турнири ўтказилмоқда.

Дунёнинг 89-ракеткаси бўлиб турган италиялик Камила Жоржи илк давра учрашувида кучли рақибасини мағлуб этди. 28 ёшли Камила рейтингнинг 44-поғонасидан жой олган швециялик Ребекка Петерсондан устун келди - 7/5, 6/4.

Учрашув 1 соату 39 дақиқа давом этган. Теннисчиларнинг ўзаро учрашувларидаги ҳисоб мувозанати тикланди - 1:1. Энди Жоржи Palermo Ladies Open турнирининг иккинчи босқичида словениялик Кайя Йуванга қарши кортга чиқади.