24 май 07:01
Янгиликлар

Дзюдо

Камол Муродовга 6-ДАН қора белбоғ сертификати топширилди

Хабарингиз бор, шу кунларда пойтахтимиз ўсмирлар ва ёшлар ўртасидаги халқаро мусобақага мезбонлик қилмоқда.

Кеча Tashkent Cadet and Junior Asian Cup турнирининг финал дастури олдидан кичик бир тадбир ўтказилди. Унда Ўзбекистон Республикасида хизмат кўрсатган спортчи, "Ўзбекистон ифтиҳори" фахрий унвони соҳиби, мамлакатимиз ёшлар терма жамоаси бош мураббийи Камол Муродовга 6-ДАН қора белбоғ сертификати тантанали равишда топширилди.

Халқаро дзюдо федерацияси рефери бош директори Армен Багдасаров махсус сертификатни ўз эгасига тақдим этди. Биз ҳам ўз ўрнида Камол Муродовни муносиб эътироф билан табриклаймиз.