Канадада шахмат титанлари ўртасида Даъвогарлар турнири старт олмоқда

Эркаклар ва аёллар ўртасидаги ушбу мусобақада 8 нафардан шахмат юлдузлари жаҳон тожи учун даъвогар номини аниқлаб бериш учун ўзаро дона суришади. Эркаклар ўртасидаги турнирда америкаликлар Ҳикару Накамура, Фабиано Каруана, ҳинд гроссмейстерлари Сантош Гужрати, Гукеш Доммараджу, Рамешбабу Праггнанадҳа, озарбайжонлик Нижат Абасов, франциялик Алиреза Фирузжа ҳамда FIDE байроғи остида қатнашаётган Ян Непомняший баҳс олиб боради. 

Аёл шахматчилар мусобақасида эса хитойликлар Тинг Жиэ Лей, Тан Жонгю, ҳиндистонликлар Хампи Конеру, Вайшали Рамешбабу, украиналик Анна Музичук, болгариялик Нургюл Салимова FIDE байроғи остида иштирок этадиган Александра Горячкина ва Катерина Лагно тож даъвогарини аниқлаб беришади. 

Candidates Tournament 2024 турнирнинг умумий мукофот жамғармаси 750 000 еврони ташкил этади. Умумий суммадан 500 минг доллари эркаклар, 250 минги эса аёллар ўртасидаги турнирга тегишли бўлади. Яъни, эркак шахматчилар мукофот пулини аёлларга қараганда икки барабар кўпроқ олишади. Эркакларда ғолиб 48 000, аёллар эса 24 000 еврони қўлга киритади.  

Candidates Tournament 2024. 1-тур жуфтликлари (Эркаклар)

Фабиано Каруана (АҚШ, 2803) - Ҳикару Накамура (АҚШ, 2789)

Нижат Абасов (Озарбайжон, 2632) - Ян Непомняший (FIDE, 2758)

Алиреза Фирузжа (Франция, 2760) - Прагнанандҳа (Ҳиндистон, 2747)

Гукеш (Ҳиндистон, 2743) - Видит Сантош (Ҳиндистон, 2727)

Candidates Tournament 2024. 1-тур жуфтликлари (Аёллар)

Александра Горячкина (FIDE, 2553) - Катерина Лагно (FIDE, 2542)

Анна Музичук (Украина, 2520) - Нургюл Салимова (Болгария, 2432)

Лей Тинг Жиэ (Хитой, 2550) - Тан Жонг Ю (Хитой, 2521)

Вайшали Рамешбабу (Ҳиндистон, 2475) - Ҳампи Конеру (Ҳиндистон, 2546)