09 июл 09:57
Янгиликлар

Теннис

Карантиндаги Жокович кортга қайтди

Дунёнинг биринчи ракеткаси Новак Жоковичда коронавирус аниқланган эди.

Бунинг натижасида сербиялик теннисчи икки ҳафталик карантинда бўлди. Новакда 23 июнь куни коронавирус аниқланганди. 2 июль куни Жокович такрорий тест топширди ва унинг бу галги таҳлили салбий натижа берди.

Кеча Новак Жокович карантинни якунлаб, яна кортга қайтди. У пойтахт Белградда ватандоши Виктор Троицки билан бирга машғулот ўтказди. Қизиғи, Троицкида ҳам коронавирус аниқланган эди.