Каратэ. Токио Олимпиадаси лицензиясига жуда яқин келдик, аммо...

Аввалроқ, ушбу мусобақада ўзбекистонлик каратэчилар ҳам иштирок этиши ҳақида хабар қилгандик.

Терма жамоамиз лицензион турнирда 6 нафар спортчи билан иштирок этди. Афсуски, мусобақа якунига кўра хеч қайси каратэчимиз лицензия қўлга кирита олмади. 

Каратэчиларимиз Парижга 6 кишилик таркиб билан жўнаб кетишганди. 

Вакилларимиз ичида -75 кг вазн тоифасида юртимиз шарафини ҳимоя қилган Достонбек Отаболаев ярим финалгача етиб борди. Финал ва Токио Олимпиадаси лицензияси учун кечган баҳсда у германиялик рақибга имкониятни бой бериб қўйди. Шундай бўлсада, унда яна бир имконият юзага келганди. Учинчи ўрин учун баҳсда эса қозоғистонлик рақибга мағлуб бўлди. 

Маълумот учун, ушбу лицензион турнирда кучли учликка кирган каратэчилар Олимпиада йўлланмасини қўлга киритишарди. 

Ўзбек каратечиларидан ким қайси босқичгача етиб борди?

-67 кг: Садриддин Сайматов - учинчи жангида россиялик рақибга ютқазди

-75 кг: Достонбек Отаболаев - ярим финалда германиялик, учинчи ўрин учун баҳсда эса қозоғистонлик рақибга мағлуб бўлди

+75 кг: Жаҳоншох Иброҳимов - иккинчи жангида италиялик рақибга ютқазди

-55 кг: Баҳринисо Бобоева - иккинчи босқичда италиялик спортчига мағлуб бўлди

-61 кг: Севинч Раҳимова - биринчи жангида россиялик рақибга ютқазди

+61 кг: Дилдора Алиқулова - иккинчи жангида Словакия вакиласига ютқазди