26 май 10:32
Янгиликлар
Каратэ WKF: россиялик таниқли мутахассис иштирокида семинар ташкил этилди
Жумладан, каратэ WKF'ни мамлакатимизда кенг оммалаштириш, уни аҳоли, айниқса ёшлар орасида энг оммавий спорт турига айлантириш, юқори иқтидорга эга ёш каратэчиларни танлаш, саралаб олиш ва уларни профессионал спортчилар сифатида тайёрлаш тизими йўлга қўйилмоқда.
Бугунги кунда ушбу спорт тури билан шуғулланаётган спортчи ва тренерларнинг янада ўсишига ёрдам бериш мақсадида Ўзбекистон каратэ миллий федерацияси томонидан қатор лойиҳалар амалга оширилмоқда.
Жорий йил 24-25 май кунлари россиялик машҳур каратэ устаси, 7-дан қора белбоғ соҳиби Игорь Садовников иштирокида юртимиздаги каратэ усталари ва тренерлар учун ўқув-семинар ташкил этилди.
Ушбу семинардан кўзланган асосий мақсад, Олимпия оиласига кирувчи каратэ спорти билан юртимизда машғул бўлган вакилларимизнинг тажрибасини ошириш ва жаҳон даражасидаги спортчиларни тайёрлашда уларга кўмак беришдан иборат.
Ўқув-семинарда республикамизнинг барча ҳудудларидан спортчи ва тренерлар иштирок этишди. Шунингдек, каратэ спорти ихлосмандлари ҳам таклиф этилди.
Ўзбекистон Миллий универистети спорт залида ташкил этилган семинарда маҳоратли каратэ устаси Игорь Садовников ёш спортчилар ва тренерларга жангда қўл келадиган бир қанча янги усулларни намойиш этиб берди.
Фикрлар