Карлос Алькарас — Queen's Club чемпиони!

Ипаниялик теннисчи финал баҳсида ATP рейтингида роппа-роса 30-ўринни эгаллаб турган чехиялик Иржи Лехечкани уч сет натижасига кўра мағлубиятга учратди - 7/5, 6/7(5), 6/2. Карлос бу билан теннисчиларнинг ўзаро учрашувлари ҳисобида ҳам олдинга чиқиб олди - 2:1. 

Икки соату 10 дақиқа давом этган баҳсда Алькарас 18, Лехечка 7 та эйс зарбасини амалга оширган. Иккала теннисчи ҳам 2 тадан қўшхатога йўл қўйди. Брейклар бўйича мутлақ устунлик ғолиб теннисчи томонида бўлди - 3 га 0. 

Алькараснинг ғалабали серияси 18 та учрашувга етди. Бу унинг энг узоқ давом этаётган мағлубиятсиз юриши ҳисобланади. Испаниялик ракетка устаси фаолиятидаги 21, мавсумлаги 5-совринини қўлга киритди. Карлос Лондон турнирига қадар Роттердам, Монте-Карло, Рим ва "Ролан Гаррос"да ҳам бош совринга эга чиққанди.

Queen's Club турниридаги муваффақиятли иштирок унга 500 рейтинг очкоси ҳамда 471,755 евро мукофот пули келтирди.