Карлос Алькараз илк бор "Уимблдон" ярим финалига чиқди

Алькараз чорак финалда жаҳоннинг 6-ракеткаси даниялик Хольгер Рунега қарши баҳс олиб борди. 

Икки соату 23 дақиқа давом этган учрашувда испаниялик теннисчи рақибини 7/6(3), 6/4, 6/4 ҳисобларида мағлуб этиб, фаолиятида илк бор "Уимблдон"нинг ярим финалига чиқди. Ушбу ғалаба орқали у Руне билан ўзаро учрашувлардаги ҳисобни тенглаштирди, 1:1. 

Энди Алькараз финал чиптаси учун АТР рейтингида 3-ўринни эгаллаб турган россиялик Даниил Медведевга қарши кортга чиқади.