Карлос Алькараз Пекин турнирининг иккинчи финалчиси

Испаниялик теннисчи 1/2 финалда рейтингда ўзидан икки поғона қуйида бораётган россиялик Даниил Медведевни 7/5, 6/3 ҳисобида таслим этди. Теннисчиларнинг ўзаро учрашувларида Карлос катта фарқ билан олдинда бормоқда. 

Саксон олти дақиқа давом этган баҳсда иккала теннисчи ҳам 3 тадан эйс зарбасини амалга оширган. Алькараз фаолиятидаги 22-маротаба финалда ўйнайди. Энди у China Open бош соврини учун мусобақанинг амалдаги ғолиби, дунёнинг биринчи ракеткаси италиялик Янник Синнерга қарши кортга чиқади.