17 май 09:49
Янгиликлар

Теннис

Карлос Алькараз Рим "Мастерс" финалида ўйнайди

Италиянинг Рим шаҳрида ўтказилаётган теннис бўйича "Мастерс" сериясига кирувчи турнирда финалчилар маълум бўлди.

Илк 1/2 финал учрашувида дунёнинг учинчи ракеткаси, испаниялик Карлос Алькараз ATP рейтингида тўққизинчи ўринни эгаллаб турган италиялик Лоренцо Музеттига қарши кортга чиқиб, 6/3, 7/6(4) ҳисобида ғалаба қозонди.

Теннисчиларнинг ўзаро учрашувларида Карлос катта фарқ билан олдинда бормоқда - 6:1. Икки соату уч дақиқа давом этган баҳсда Алькараз 1 та эйс, 5 та брейкка эришиб, 5 та қўшхатога йўл қўйди.