Карлос Мойя оталик Рафаэль Надалнинг карьерасига қандай таъсир қилиши ҳақида гапирди

“Менинг вақтимда камдан-кам одамлар болалар билан турнирларга борарди. Aммо ҳақиқат шундаки, ўшанда теннисчилар 30-32 ёшда спортни ташлаб, кейин оила қуришган.

Ҳозир эса кўплаб теннисчилар ўз фарзандлари билан бирга турнирларга ташриф буюрмоқда. Менимча, оталик Рафаэлни теннисдан воз кечишга мажбур қилмайди – аксинча, бу унга ғалаба қозониш учун қўшимча туртки бўлади.

Рафа оиласи билан бўлишни, болаларни яхши кўради. Шунинг учун у дунё бўйлаб саёҳат қилганда уларни соғинади", - дея Мойянинг сўзларини келтиради Tennis World USA.