22 апр 13:48
Янгиликлар

Формула-1

Карлос Сайнс "Феррари" билан янги шартнома имзолади

Теглар : Формула-1

"Феррари" пилоти Карлос Сайнс камида 2024 йилги мавсум охиригача "Скудерия" шарафини ҳимоя қилади.

Жамоа испаниялик пойгачи билан янги келишувни эълон қилди. Аввалги шартнома шу йил охиригача тузилган эди.

Сайнс 2021 йилги мавсумдан буён "Феррари"да чиқиш қилади ва Италия жамоаси билан олти марта шоҳсупага кўтарилган. Бунгача Карлос "Торо Россо", "Рено" ва "Макларен" жамоалари шарафини ҳимоя қилган.

Испаниялик ҳайдовчининг шериги Шарл Леклер бўлиб қолаверади. Формула-1 етакчисининг шартномаси ҳам 2024 йил охиригача тузилган.