Касаткина Цинциннатида 1/8 финалга йўл олди

Дунёнинг 13-ракеткаси бўлиб турган Дарья Касаткина мусобақанинг иккинчи даврасида осон ғалабани қўлга киритди. Россиялик теннис маликаси WTA рейтингида 45-поғонада бораётган франциялик Варвара Грачёвани 6/3, 6/1 ҳисобида мағлубиятга учратди. Даша бу ғалабаси билан теннисчиларнинг ўзаро учрашувларидаги ҳисоб мувозанатини ҳам тиклади - 2:2. 

Етмиш олти дақиқа давом этган баҳсда Касаткина 2 та эйс, 4 та брейкни амалга ошириб, 2 та қўшхатога йўл қўйди. Дарья Western & Southern Open турнирининг 1/8 финалида беларуслик Арина Соболенкога қарши кортга чиқади. Арина иккинчи босқичда америкалик Энн Лини қийинчилик билан мағлубиятга учрата олди - 7/5, 2/6, 6/4.