Каспер Рууд бу йил Норвегиянинг энг яхши спортчиси бўлди. У 89 йиллик ичида ушбу совринни қўлга киритган биринчи теннисчига айланди

Каспер Рууд Aftenposten олтин медалини 1933 йилдан бери қўлга киритган биринчи теннисчи бўлди. Нашр ғалаба шарафига карикатура тайёрлади.

"Катта дубулға турнирининг финалига чиққан норвегиялик? Бир неча йил олдин қишки спортлар мамлакати Норвегия учун буни умуман тасаввур қилиб бўлмасди. Энди бизда кутилмаганда дунёнинг энг яхшилари билан рақобатлашадиган теннисчи пайдо бўлди.

Каспер Рууд Aftenposten олтин медали тарихида ноёб ишни амалга оширди. 24 ёшли теннисчи энг муҳим турнирларда ғолиб чиқмаган бўлса ҳам медаль олади. Аммо, у иккита "Катта дубулға" турнири финалига чиқди. Бу натижаларнинг маҳаллий теннис учун аҳамияти жуда катта.

Илгари бу совринга енгил атлетикачи Якоб Ингебритсен (2021), футболчи Эрлинг Холанд (2020), чанғичилар Тереза Йохауг (2019) ва Марит Бьорген (2005), шахматчи Магнус Карлсен (2013) ва бошқалар қўлга киритишган.