06 окт 10:14
Янгиликлар

Бокс/ММА

Катта ваъдалар бериб, тўрт ҳамюртимиз билан шартнома имзолаган АҚШнинг GFL ММА Лигаси яна "тилга кирди"

Аралаш якка кураш бўйича Америка Қўшма Штатларида фаолият юритувчи Global Fight League ташкилоти қайтаётганига ишора қилди.

"Спортчилар, мухлислар ва ҳамкорларимизга сабр қилишгани ва қўллаб-қувватлашгани учун раҳмат айтамиз. Биз шу давр мобайнида катта меҳнат қилдик. Энди келгусида бўладиган воқеликларни интиқсизлик билан кутяпмиз. Биз билан қолинг, 2026 йил учун режаларимиз катта", дея ёзган GFL расмий Instagram саҳифаси.

Эслатиш жоиз, Лига жорий йилда ўзбекистонлик спортчилар — Ҳумоюн Тўхтамуродов, Муҳиддин Мамажонов, Амирхон Алихўжаев ва Саидёқуб Қаҳрамонов билан шартнома қилганди. Шундай бўлса-да, GFL 2025 йилда бирорта турнир ташкил эта олмади, спортчилар эса ташкилот раҳбарларини фирибгарликда айблашди.