05 янв 14:22
Янгиликлар

Бокс/ММА

Кайла Харрисон Аманда Нуньесни "оромгоҳи"га қайтаришга ваъда берди

Енгил вазн тоифасида UFC чемпиони Кайла Харрисон 24 январь куни икки вазнда собиқ чемпион Аманда Нуньесни ишончли тарзда мағлуб этишига ишончи комил.

"Мен унга реванш беришга тайёр бўламан, лекин у қайтишни истамайди деб ўйлайман - мен уни қайта оромгоҳига жўнатаман", - деди Харрисон MMA Junkie нашрига берган интервьюсида. - Мен буни сабрсизлик билан кутяпман, чунки бу жанг ҳақида узоқ вақтдан бери жуда кўп гап-сўзлар бўлди. Менимча, Аманда дунёнинг энг буюк жангчи аёли эди. Ҳозир эса мен дунёдаги энг кучлисиман ва бу мақомни тасдиқлаш учун энг кучлиларни мағлуб этиш керак".

Эслатиб ўтамиз, Кайла Харрисон ва Аманда Нуньес ўртасидаги жанг UFC 324 турнирининг иккинчи муҳим воқеаси бўлади. Оқшомнинг асосий жангида Пэдди Пимблетт ва Жастин Гэтжи ўзаро тўқнаш келади.