12 окт 10:05
Янгиликлар

Бокс/ММА

Кайо Борральо Абусупьян Магомедов ҳақида: "У иккинчи бор ўзи лойиқ бўлмаган жангни қўлга киритди"

Теглар : Абусупьян Магомедов Кайо Борральо

Ўрта вазн тоифасида бразилиялик UFC жангчиси Кайо Борраьо 4 ноябрь куни ўз юртида ўтказиладиган UFC Fight Night турнирида октагонга кўтарилади.

Ўша куни Борральога ўзбекистонлик Нурсултон Рўзибоев рақиблик қилиши керак эди. Бироқ ҳамюртимиз жароҳат олди ва жангда иштирок эта олмаслиги маълум бўлди. Шундан сўнг, UFC Кайога Германия вакили Абусупьян Магомедовни берди. Бразил бунга қуйидагича муносабат билдирди:

"Майли йигитлар, янги жангим ҳақидаги хабарни эшитдингиз. Билмадим, бу йигит нимани ўйлаяпти.

Абус иккинчи бор ўзи лойиқ бўлмаган жангни қўлга киритди. Нега у бу сафар натижа бошқача бўлади, деб ўйлаяпти?", - деб ёзди Кайо Борральо.

Эслатиб ўтамиз, 4 ноябрь куни ташкил этиладиган UFC Fight Night мусобақаси Бразилиянинг Сан-Паулу шаҳрида ўтказилади.