Кечаги автоҳалокатда Жошуанинг икки мураббийи вафот этгани маълум бўлди

Sports Illustrated нашрининг хабар беришича, биринчи ҳалок бўлган шахс куч ва жисмоний тайёргарлик бўйича мураббий Сина Гами бўлган. Вафот этганларнинг иккинчиси эса Жошуанинг шахсий мураббийи Роберт Латц бўлган.

Аввалроқ, бахтсиз ҳодиса Лагос-Ибадан трассасида Жошуа ўтирган Lexus русумли автомобилнинг тўхтаб қолган юк машинасига урилгани оқибатида юзага келгани ҳақида хабар берилган эди. Натижада икки киши ҳалок бўлди. Жошуанинг ўзи енгил жароҳатлар олди.