“Keles Open” турнирида мезбонлар биринчи бўлишди + ФОТО

Мамлакатимизнинг ҳар бир ҳудудида мазкур спорт билан ошно бўлган ёшлар сони кўпчиликни ташкил этади. Турли кўринишдага беллашувлар эса ҳар доим шиддатли ва жозибакор тарзда ўтказилади.

Президентимиз томонидан илгари сурилган бешта муҳим ташаббуснинг иккинчи ташаббуси ижросини таъминлаш мақсадида Тошкент тумани болалар-ўсмирлар спорт мактабига қарашли “Универсал” спорт мажмуасида каратэ WKF бўйича ўтказилган “Keles-Open” мусобақаси ҳам худди шундай бўлди.

Юқори савияда ташкил этилган мазкур очиқ турнирда Қорақалпоғистон Республикаси, Тошкент шаҳри, Наманган, Андижон, Фарғона, Хоразм ҳамда Тошкент вилоятидан ташриф буюрган 400 нафарга яқин ўғил-қизлардан иборат ёш спортчилар икки кун давомида ғолиблик учун куч синашишди.

Мусобақанинг якуний натижаларига кўра, умумжамоа ҳисобида фахрли биринчи ўринни Тошкент вилояти жамоаси қўлга киритган бўлса, иккинчи ўринни Тошкент шаҳри эгаллади. Учинчи ўрин Қорақалпоғистон ёшларига насиб этди.

Таъкидлаш жоиз, умумжамоа ҳисобида биринчи ўринни қўлга киритган Тошкент вилояти жамоаси орасида 30 нафардан ортиқ спортчилар айнан Тошкент тумани ёшлари бўлиб, туман туризм ва спорт бўлими бошлиғи, Келес каратэ клуби раҳбари, БЎСМнинг тажрибали мураббий Дилшод Юсуповнинг шогирдлари ҳисобланади ва уларнинг 18 нафари олтин медалга эга чиқишди. Уч нафари эса чемпионлик камарини ўзлариники қилишди.  

Шунингдек, мусобақа доирасида 12 та вазн тоифасида чемпионлик камари учун ҳам беллашувлар ташкил этилди. Қуйидаги спортчилар ўз вазн тоифаларида рақибларидан устун келиб, чемпионлик камарларига эга чиқишди. 

12-13 ёшлилар

40 кг. – Жуманиёз Жуманиёзов (Тошкент ш.)

14-15 ёшлилар

52 кг. – Достон Хамроев ( Қорақалпоғистон)

+54 кг. – Роҳатой Амитова (Тошкент в.)

57 кг. – Хожиахрор Иброҳимов (Тошкент ш.)

16-17 ёшлилар

61 кг. -  Мирафзал Мирсолихов (Тошкент ш.)

63 кг. – Самандар Оқбўтаев  (Тошкент ш.)

68 кг. – Самандар Мирҳамидов (Тошкент в.)

+18 ёшлилар

55 кг. - Азизбек Исломбеков ( Тошкент в.)

60 кг. – Ҳасан Ахмадалиев  (Тошкент в.)

67 кг. – Феруз Рўзметов (Хоразм)

+67 кг. – Ғофур Зоҳидов (Тошкент в.)

Якка ката йўналиши

+18 ёшлилар

Самандар Ўрозалиев (Тошкент в.)

Мусобақа якунлангач, тақдирлаш маросими ташкил этилди. Ғолиб ва совриндорлар Тошкент вилояти Туризм ва спорт бошқармаси, Тошкент тумани ҳокимлиги, туман БЎСМ ва Келес каратэ клуби томонидан диплом, медаль ва эсдалик совғалари билан мукофотланишди. 

Илҳом РАҲМОНОВ тайёрлади