09 мар 07:43
Янгиликлар

Теннис

Кенин - Open 6 Sens бош соврин соҳибаси!

Франциянинг Лион шаҳри мезбонлик қилган WTA турнири якунланди.

Мусобақанинг ҳал қилувчи финал учрашувида дунёнинг бешинчи ракеткаси, америкалик София Кенин рейтингнинг 136-поғонасидан жой олган германиялик Анна-Лена Фридзамга қарши кортга чиқди. Бу теннисчиларнинг ўзаро ўтказган илк учрашуви эди.

Бир соату 49 дақиқа давом этган финалда 21 ёшли Кенин 26 ёшли рақибасини 6/2, 4/6, 6/4 ҳисобида мағлубиятга учратди. Open 6 Sens турниридаги муваффақиятли иштирок Кенин учун фаолиятидаги бешинчи титул бўлди. У Лиондаги иштирокидан 34,677 евро мукофот пули ҳамда 280 рейтинг очкоси ишлаб олди.