Кэти Тейлор енгил вазндаги иккита камаридан воз кечди

Ирландиялик чемпион томонидан вакант қолдирилган IBF камари учун жанг энди Каролин Дюбуа ва Рианон Диксон ўртасида ўтказилади. Ҳозирча WBO камари учун кимлар рингга чиқиши маълум эмас. Кэтининг нима сабабдан камарларидан воз кечгани ҳозирча номаълум. 

Маълумот учун, 37 ёшли Тейлор 2019 йилда енгил вазн тоифасида мутлақ жаҳон чемпиони бўлган эди. Ўшанда то шу кунгача у барча камарларни ўз қўлида ушлаб келди. Ўтган йили у иккинчи уринишда биринчи яримўрта вазн тоифасида ҳам мутлақ жаҳон чемпионига айланди. Катта эҳтимол билан у энди фаолиятини айнан биринчи яримўрта вазнда давом эттиради.

Тейлор 2023 йилнинг май ойида биринчи яримўрта вазннинг мутлақ чемпиони Шантель Кэмеронга ютқазиб қўйган эди. Лекин ноябрь ойида ўтказилган реваншда ғалаба қозониб, камарларни ўз қўлида бирлаштирди.