Кевин Ли агар Хабиб - Сен-Пьер жанги ўтказилса, ким ғолиб бўлишини айтди

"Мен Сен-Пьер ва Хабиб ўртасида эҳтимолий грепплинг жанги бўлишини эшитмадим. Бу қизиқ. Грепплинг жанги аралаш яккакурашлардан тубдан фарқ қилади. Агар жанг рақибнинг таслим бўлишигача давом этса, Сен-Пьерни ғолиб деб айтган бўлардим. Лекин, жанг дуранг натижа билан якунланиши ҳам мумкин. Якунда уларнинг ҳеч бири мағлуб бўлмайди", — дея Лининг сўзларини келтиради Middle Easy.

Нурмагомедов фаолиятидаги сўнгги жангини америкалик Жастин Гетжига қарши ўтказган. Ушбу жанг 2020 йил октябрь ойида UFC 254 турнири доирасида ўтказилган. Хабиб иккинчи раундда "учбурчак" бўғиш усулини қўллаш орқали ғалабага эришган. Жанг тугаши биланоқ россиялик спортчи ММАдаги фаолиятини якунлаганини эълон қилган эди. Хабиб 29 та жангда 29 та, шу жумладан UFC доирасидаги 13 та жангда 13 та ғалабага эришган.