Кейн британиялик футболчилар орасида ушбу натижага эришган биринчи футболчига айланди

Англиялик футболчи кеча “Лацио”га қарши учрашувда дубль қайд этди. Шу тариқа, Кейн британиялик футболчилар орасида УEФА мусобақаларида 50 та гол урган илк футболчига айланди. Умуман олганда, ундан кейинги ўринларда Стивен Жеррад (41 та) ва Уэйн Руни (40) ўрин эгаллашган.

Эслатиб ўтамиз, Кейн ўтган йилнинг ёзида “Бавария” сафига келиб, қўшилганди. У жорий мавсум барча мусобақаларда 33 та учрашувда майдонга тушди ва шунча гол уришга эришди. Шунингдек, ҳужумчининг ҳисобида 8 та голли узатма ҳам бор.