11 май 18:18
Янгиликлар

Бокс/ММА

Кличко - Жошуа жанги IBF томонидан 2017 йилнинг энг яхшиси деб топилди

Халқаро бокс федерация (IBF) супероғир вазн тоифаси вакиллари - Энтони Жошуа ҳамда Владимир Кличко ўртасида ўтказилган чемпионлик жангини 2017 йилнинг энг яхши жанги сифатида эътироф этди.

Ўтган йилнинг апрель ойида Лондондаги муҳташам “Уэмбли” стадионида ўтган жангнинг 11-раундида Жошуа Кличкони техник нокаутга учратган ва рақибининг WBA (Super), IBF ва IBO чемпионлик камарларини тортиб олганди.

Ўша жанг Кличко учун профессионал бокс фаолиятидаги сўнгги жанг бўлиб қолди. Аввлроқ ESPN телеканали Кличко - Жошуа жангининг бешинчи раундини ўтган йилнинг энг яхшиси деб топган эди.

Шунингдек, IBF ташкилоти камида учта жангда чемпионлик камарини ҳимоя қилган Энтони Жошуа, Геннадий Головкин ва Ли Селбини махсус чемпионлик узуклари билан тақдирлайди. Ушбу маросим 30 май куни Италияда бўлиб ўтади.