Комбат жиу-житсу бўйича чемпионлар аниқланди

Тошкент вилояти жисмоний тарбия ва спорт бошқармаси, Ўзбекистон Комбат жиу-житсу Ассоциацияси Тошкент вилояти бўлими, Чирчиқ шаҳар жисмоний тарбия ва спорт бўлими ҳамкорлигида ташкил этилган мазкур чемпионатда 200 нафарга яқин 6 ёшдан 18 ёшгача ва ундан катта  спортчилар ўзаро куч синашишди. 

Ёшлар ўртасида жисмоний тарбия ва спортни кенг оммалаштириш, бешта муҳим ташаббуснинг иккинчи йўналиши ижросини таъминлаш, ушбу спорт туридан вилоят терма жамоасини шакллантириш ва мамлакат чемпионатига саралаш каби мақсадларни жамлаган чемпионатда дастлаб, тантанали очилиш маросими ташкил этилди. 

Маросимда сўз олган Ўзбекистон Комбат жиу-житсу Ассоциацияси Тошкент вилояти раиси Дадахон Ҳасанов спортчиларга омад тилаб, мамлакатимизда спорт соҳасига юксак эътибор қаратилаётгани ва ёшларимизнинг халқаро спорт ареналарида муносиб иштирок этаётгани хусусида таъкидлаб, спортчиларга омад тилади. 

Бадиий жамоаларнинг куй-қўшиқлари, гўзал рақслари, спортчи болаларнинг кўргазмали чиқишлари йиғилганлар кўнглига хушнудлик бағишлади. Шундан сўнг беллашувларга старт берилди. Кун давомида ўтказилган мусобақанинг аксарият холлари шиддатли жангларга бой тарзда ўтди. 

Нодирбек Жуманов бошчилигидаги ҳакамлар бошқариб борган муросасиз баҳсларда ҳатто нокаут ва нокдаун холатлари ҳам кузатилди. Асосийси, ушбу мусобақада энг кучли ва шиддаткор спортчилар сараланди. 

Демак, ғолиб спортчилар билан танишамиз:

Ўғил болалар: 6-7 ёш. 20 кг. 1. Шохрухўжа Шавкатов. 25 кг. 1. Асад Бахтиёров. 30 кг. 1. Козимхўжа Комилов. 8-9 ёш. 25 кг. 1. Авзал Қувонишбеков. 30. 1. Элбек Эркинхўжаев. 35 кг. 1. Аброр Бахтиёров. 45 кг. 1. Алан Хорсов. 10-11 ёш. 25 кг. 1. Жаҳонгир Йўлдошев. 30 кг. 1. Бехруз Равшанов. 35 кг. 1. Амирхон Саидбатталов. 40 кг. 1. Бексултон Аблаев. 45 кг. 1. Мерлан Номозбоев. 50 кг. 1. Байсиет Ермекбаев. 12-13 ёш.30 кг. 1 Юсупов Маҳмудасад. 35 кг. 1. Миржамол Мирсаидов. 40 кг. 1. Исмоил Жаҳонгиров. 45 кг. 1. Самандар Абдураҳмонов. 50 кг. 1. Шертой Тожибоев. 55 кг. 1. Асомиддин Муҳиддинов. 60 кг. 1. Бекзод Бауетинов. 14-15 ёш. 40 кг. 1. Музаффар Холиқов. 45 кг. 1. Элбек Хамидуллаев. 50 кг. 1. Йўлдошев Самандар. 55 кг. 1. Азизбек Йўлдошалиев. 60 кг. 1. Фазлиддин Раҳимқулов. 65 кг. 1. Даврон Ғайратов. 70 кг. 1. Бахтиёр Сайдуллаев. 75 кг. 1. Азамат Илёсов. 80 кг. 1. Нурсаид Тўлаганов. 16-17 ёш. 55 кг. 1. Жаҳонгир Саидбурхонов. 60 кг. 1. Батирхан Жарилкапов. 65 кг. 1. Ҳасан Воҳобжонов. 70 кг. 1. Анвар Убайдуллаев. 75 кг. 1. Исроил Исмоилов. +80 кг. 1. Жасур Элибоев. +18 ёш. 57 кг. 1. Жаҳонгир Юнусматов. 63 кг. 1. Нурали Мажидов. 70 кг. 1. Даврон Абдулқодиров. 77 кг. 1. Шохнур Миркомилов. 85 кг. 1. Алишер Мухриддинов. 92 кг. 1. Газамфар Юсупов.

Қизлар:10-11 ёш. 70 кг. 1. Одина Раҳматуллаева. 12-13 ёш. 30 кг. 1. Умида Нишонбоева. 35 кг. 1. Махлиё Абдураҳмонова. 40 кг. 1. Шодия Ўктамова. 45 кг. 1. Назокат Асилова.50 кг. 1. Одина Исохўжаева. 14-15 ёш. 47 кг. 1. Рисолат Аҳмаджонова. 53 кг. 1. Сарвиноз Раҳматуллаева. 58 кг. 1. Маржона Сотволдиева. +18 ёш. 50 кг. 1. Гўзал Мавлонова. 56 кг. 1. Зиёда Жуманова.  

Мусобақа якунига етгач, ғолиб ва совриндорлар ташкилотчилар томонидан диплом, медаль ва эсдалик совғалари билан тақдирланишди.

Илҳом РАҲМОНОВ тайёрлади