Комилжон Адиловдан яна бир ташаббус

Тошкент вилояти жисмоний тарбия ва спорт бошқармаси бошлиғи Комилжон Адилов раҳбарлигида вилоятда жисмоний тарбия ва спортни янада кенг оммалаштириш, аҳоли орасида, айниқса, ёшлар ўртасида спортни кенг тарғиб этиш ва айнан спорт орқали уларнинг бўш вақтларини мазмунли ўтказишлари ва истеъдодли спортчи ўғил-қизларни катта спорт сари етаклашни, шунингдек, олимпия ўринбосарларига эътибор қаратиш, миллий терма жамоаларга вилоят спортчиларни янада кўпроқ жалб этиш, “Токио-2020” олимпиадасида йўлланмалар сонини янада кўпайтириш ва юртимиз шарафини Олимпиада шоҳсупасидан туриб улуғлашни мақсад қилган. 

Шу боис, бошқарма бошлиғи К. Адилов ташаббуси билан вилоятда спорт соҳасида жонбозлик кўрсатаётган, ушбу соҳа йўлида тинимсиз меҳнат қилиб, эътирофга сазовор бўлаётган жисмоний тарбия ва спорт бошқармаси тизимидаги ходимлар, мураббийлар ва спортчилар, умумий ўрта таълим мактаблари ўқитувчилари, корхона ва ташкилотларнинг ишчи-ходимлари, журналист-блогерларни меҳнатларини ҳисобга олиб, йил давомида моддий рағбатлантиришни бошлади. 

Бунинг исботи сифатида бундай рағбатлантирувчи мукофотни 10 феварль куни вилоят жисмоний тарбия ва спорт бошқармасида Бўстонлиқ туман болалар-ўсмирлар спорт мактабининг иш юритувчиси Айгул Ермакбаева қўлга киритди. У бошқарма бошлиғи К. Одиловдан Intel PIV моноблок русумдаги замонавий компютерни қабул қилиб олди. Мукофот муборак бўлсин! 

Илҳом РАҲМОНОВ тайёрлади