22 фев 07:02
Янгиликлар

Бокс/ММА

Комсомольскдаги турнирда иштирок этган ёш боксчиларимиз Тошкентга қайтиб келишди

Теглар : Бокс

Хабар бериб ўтганимиздек, 15-20 февраль кунлари Россия Федерациясининг Комсомольск шаҳрида бокс бўйича 2003-2004 йилларда туғилган ёшлар ўртасида Афғон уруши қурбонлари хотирасига бағишланган халқаро турнир бўлиб ўтди.

Ушбу мусобақада Россия, Афғонистон, Молдова, Польша, Беларусь ва Украина терма жамоалари қаторида Ўзбекистон терма жамоаси ёшлари ҳам иштирок этишди.

Мусобақа якунига кўра, 6 нафар боксчимиз шоҳсупага кўтарилганди. Бугун турнирда қатнашган боксчиларимиз юртимизга қайтиб келишди. Улар Ислом Каримов номидаги Тошкент халқаро аэропортида Ўзбекистон бокс федерацияси мутасаддилари томонидан кутиб олинди.

Эслатиб ўтамиз, мусобақада совриндор бўлган боксчиларимиз рўйхати қуйидагича:

Олтин:

-52 кг: Миркомил Саидохунов

-91 кг: Нусратжон Тоҳиров

+91 кг: Али Нуранов

Кумуш:

-64 кг: Бекзод Бекмуродов

Бронза:

-69 кг: Самандар Солижонов

-81 кг: Сардор Раҳмонбердиев

Ўзбекистон бокс федерацияси матбуот хизмати