Конор Ислам Махачевга ташхис қўйди + ФОТО

Тиббий билимга эга бўлмаган ирландияликнинг айтишича, Исламнинг чап оёғидаги стафилококк инфекцияси шахсий гигиенага риоя қилмаслик оқибатида юзага келган. Бу борада Конор Ислам ва унинг жамоасини айблаган. 

"Яна стафилококк. Бу қолоқ стафилококк билан бирга яшайди. Ишонаверинг, унинг жамоаси ҳам шу инфекциядан заҳарланган. Жин урсин сизларни, оёқларингизни ювиб юрсанглар бўлмайдими? Машғулот ўтказадиган матларингизни ювинг, тоза кийим кийинг. Аҳмоқлар, тозаликка эътибор қаратиб, бу ишни ҳар куни қилишларинг шарт. Шундай бўлса-да, у Дастинни биринчи раундда самбишен эвазига мағлуб этади", - дея фикр билдирган Макгрегор. 

Аввалроқ, Конор Ислам Махачевни Дастин Порьега қарши кечадиган жангда фаворит ҳисобламаслигини айтганди. Кечаги интервьюсида у фикрини ўзгартирганини кўришимиз мумкин.