05 мар 09:21
Янгиликлар

Бокс/ММА

Конор Макгрегор Абрамовичга "Челси"ни қанчага сотиб олишини айтди

Икки вазн тоифасида собиқ UFC чемпиони Конор Макгрегор миллиардер Роман Абрамовичга "Челси" клубини қанчага сотиб олиши мумкинлигини маълум қилди.

Аввалроқ, россиялик олигарх 2003 йилдан бери эгалик қилиб келаётган жамоасини сотишга қарор қилганини айтганди. Бунга Россиянинг Украинага бостириб киргани ва бунинг натижасида хориждаги россиялик тадбиркорларга санкциялар қўлланилаётгани ва молиявий зарар ета бошлагани сабаб бўлганди.

"Мен бир ярим миллиард фунт стерлинг таклиф қиламан", - дея ўзининг Твиттер саҳифасида хабар қолдирган ирландиялик.

Маълумотларга қараганда, Абрамович "Челси"ни уч миллиард фунт стерлинга сотмоқчи. Конорнинг бойлиги эса бор йўғи 300 миллион фунт стерлинг атрофида экани айтилмоқда.