11 окт 08:45
Янгиликлар

Бокс/ММА

Конор Макгрегор Майк Тайсонга камар совға қилди + ФОТО

Икки вазн тоифасида собиқ UFC чемпиони Конор Макгрегор афсонавий Майк Тайсон билан учрашди.

Ирландиялик ушбу учрашув акс этган суратни ижтимоий тармоқдаги саҳифасига жойлади. Конор Темир Майкка қўлқопсиз жанглар лигаси - Bare Knuckle Fighting Championship (BKFC)нинг чемпионик камари совға қилди. Макгрегор ушбу Лиганинг эгаларидан бири ҳисобланади.

"Хонимлар ва жаноблар, Bare Knuckle Майк Тайсон. Шунчаки ажойиб!", — дея суратга изоҳ берган Макгрегор.

Маълумот учун, Конор Макгрегор шу кунгача ММАда 28 та жанг ўтказиб, 22 ғалаба ва 6 мағлубият қайд этган. Майк Тайсон эса проф рингда 56 та жангда рингга кўтарилиб, роппа-роса 50 тасида ғалаба қозонган. Конорда бўлгани сингари унда ҳам 6 та мағлубият бор.