13 сен 16:07
Янгиликлар

Бокс/ММА

Конор Оқ уйда ўтказиладиган UFC турнирида иштирок этишини тасдиқлади

Ярим енгил ва енгил вазн тоифаларида собиқ UFC чемпиони Конор Макгрегор 2026 йил июнь ойида Оқ уй ҳудудида бўлиб ўтадиган UFC турнирида октагонга чиқишини айтди.

"Бу айнан мен кутган оқшом бўлади. Қайтаётганимдан жуда хурсандман. Қўлимдан нима келишини кўрсатиш учун Оқ уй ёнидаги майсазордан ҳам яхшироқ жой бўлиши мумкинми? Ҳозирнинг ўзида ниҳоятда ҳаяжондаман. Охиригача шундай бўлиб қолсин", - дея Макгрегорнинг сўзларини келтиради Championship Rounds.

Аввалроқ UFC президенти Дана Уайт Макгрегорга Оқ уйдаги UFC турнирида жанг ўтказишга тайёрми ёки йўқлиги ҳақида жавоб берганди. У Макгрегорнинг турнирда иштирок этишига умид билдирганди.