Конор: "Порье – дўзах жангчиси, мен эса Макгрегорман"

Аниқроғи, ирландиялик жангчи "Твиттер" саҳифасида мухлислардан бирининг шу мавзудаги саволига жавоб берди. Мухлис Конордан унинг Порьега қарши бу сафарги жанги неччи раунд давом этишини сўраган.  

"Мен бу сафар янада тезроқ, яъни қисқа муддатда ғалаба қозонишга ҳаракат қиламан. Кейин зарбам ҳам аввалги жангдан кўра кучлироқ берилади. Порье – дўзах жангчиси, мен эса Макгрегорман. Мен ҳозир ҳар қачонгидан ҳам яхшироқ ва кучлироқман! Январь ойида октагонда умуман бошқа Конорни кўрасизлар", – деди Макгрегор.

Эслатиб ўтамиз, Конор 2014 йилда Порьега қарши ўтказилган илк жангда рақибини биринчи раундда нокаутга учратган эди. Дастин учун реванш жанги 23 январь куни бўлиб ўтади.