Конордан шох ва мот! Порье узр сўради. Трилогия бўлади!

"Ҳисоб 1х1, 10 июль куни биз барчасига ойдинлик киритамиз. Конор билан жанг қилиш жуда ажойиб, аммо биринчи навбатда шу сўзларни етказмоқчиман: Ҳаммага маълумки, мен ўз ҳайрия ташкилотим учун жуда ҳам қайғураман. Мен шошқалоқлик қилдим. Конор ва ҳайрия ташкилотим ўртасидаги шахсий маълумотларни оммага олиб чиқдим. Бу менинг хатойим. Биз ҳаётимиз давомида хатолардан хулоса чиқарамиз, ўрганамиз. Яхшилик улашиш эса менинг асосий мақсадим! Одамларга қувонч улашиш учун қилаётган ишим ҳақида салбий фикрлар орттириб олдим. Мен ушбу эзгу ишимни катта қадамлар билан давом эттираман. Бизни қўллаб-қувватлаган ва шу жараён ичида бўлганларнинг барчасига миннатдорчилик билдираман", -деб ёзади Дастин Порье.

Эслатиб ўтамиз, яқиндагина UFC ушбу жанг расман ўтказилишини эълон қилганди. Аммо, икки жангчи орасидаги низо ҳамма нарсани сўроқ остига қўяётганди. Энди эса ҳаммаси тушанарли, жанг 10 июль куни ўтказилади.