30 сен 12:12
Янгиликлар

Теннис

Контавейт ўз юртидаги турнирда 1/4 финалга чиқди

Эстония пойтахти Таллин шаҳрида ўтказилаётган WTA турнири ўзининг ҳал қилувчи палласига кирди.

Сайёрамизнинг тўртинчи рақамли теннис маликаси Анетт Контавейт мусобақа бош соврини учун асосий даъвогар бўлиб турибди. Эстониялик теннисчи иккинчи давра баҳсида WTA рейтингида 75-поғонадан жой олган чехиялик Тереза Мартинцовани таслим этди - 6/2, 6/1.

Теннисчиларнинг ўзаро учинчи учрашувида ҳам Анетт рақибасидан устун эканини амалда исботлади. Олтмиш тўққиз дақиқа давом этган баҳсда Контавейт ҳам, Мартинцова ҳам биттадан эйс зарбасини амалга оширган.

Бугун Анетт ярим финал чиптаси учун бельгиялик Исалин Бонавантюрга қарши кортга чиқади.