Конте шу ҳафтадаёқ истеъфога чиқарилиши мумкин

"The Guardian" хабарига кўра, ушбу ҳафтада Антонио Конте истеъфога чиқиши кутилмоқда. Унинг ўрнига эса мавсум якунига қадар Райан Мэйсон бош мураббий вазифасини бажарувчи сифатида ишлаши мумкин.

"Шпорлар" директорлар кенгаши вакили Даниэль Леви айни дамда жамоага топ-мураббий олиб келиш жуда қийинлигини тушунмоқда. Чунки "Саутгемптон"га қарши ўйиндан кейинги матбуот анжуманида Антонио Контенинг айтган гаплари сабабли кўплаб номзодлар рад жавобини берган.

Клубдан ташқаридагиларнинг фикрига кўра, ўтган мавсумда Конте бошидан баланд сакраб юборган ва жамоага ЕЧЛ йўлланмасини тақдим қилган. Ушбу мавсумда эса жамоанинг асосий даражаси кўринган.

Ҳозирги пайтда "Тоттенхэм"ни бошқаришни истаётган мураббийлар йўқ. Бу борада клубдагилар муҳокамаларни давом эттиришмоқда.