Кормье Нганну ва Фьюри ҳақида: "Яккакурашлар тарихидаги энг ваҳший нокаутчилар"

"Менинг биринчи танловим - оғир вазнда UFC чемпиони Фрэнсис Нганну! Унинг октагонда нималар қилишини кўрганман. Бир неча йил олдин у апперкот зарбаси билан Алистер Оверимни чуқур нокаутга тушириб қўйганди. Нганну Миочични ҳам шу кўйга солган. 

Иккинчи танловим эса бокс бўйича оғир вазн чемпиони. У боксдаги Нганну, яъни Тайсон Фьюри! Бу йигитнинг зарбасига келадиган бўлсак, у сизни ҳар доим ҳам битта зарбада ухлатиб қўявермайди. Аммо, Фьюри рақиблари учун ўша тунни қанчалик аянчли якунлашни жуда яхши билади. 

Шундай қилиб, Нганну ва Фьюри мен учун яккакурашлар тарихидаги энг ваҳший нокаутчилар", - дейди икки вазнда собиқ UFC чемпиони Даниэль Кормье.