01 фев 14:17
Янгиликлар
Бокс/ММА
Кормье Хабиб ва Конорни ажратиб қолгани учун ҳам яхшигина пул олганини айтди
UFC афсоналаридан бири Даниэль Кормьенинг айтишича, ташкилот раҳбари Дана Уайт UFC 229 мусобақасидан сўнг юзага келган Конор Макгрегор ҳамда Хабибнинг жамоалари ўртасидаги муштлашувдан сўнг унга 10 минг доллар тўлаган.
"Ўша оқшом мен аренада, оилам билан биринчи қаторда ўтирган эдим. Мен бу жойларни яхши нархда олишга муваффақ бўлгандим – ўзим, рафиқам ва икки фарзандим учун 10 минг доллар тўлагандим, Хабиб ва Конор жамоаси ўртасида жанжал бошланганида, "Бу йигитларни тўхтатиш керак", деб ўйладим. Хабибни тинчлантиришни, уни октагонни тарк этишга мажбур қилишни бошладим ва бироздан кейин Дана чипталар учун пулимни қайтариб берди. У менга бор пулимни берди ва: "Сиз бўлмаганингизда, биз катта муаммога дуч келардик", деди", дея Кормьенинг сўзларидан иқтибос келтиради Bloody Elbow нашри.
Ҳавола :
Манба : championat.com
Фикрлар