15 янв 11:02
Янгиликлар
![](/upload/storage/200064_220.jpg)
Коронавирусга чалинган Хабиб Нурмагомедовнинг ҳолати ҳақида хабар берилди
Доғистонлик жангчида ковид аниқланган ва у махсус меҳмонхонага жойлаштирилиб, карантинга олинганди. Хабиб Сингапурга Сайгид Изагахмаевнинг секунданти сифатида борганди. Бу ҳақида турнир трансляцияси давомида Осиё промоушени матбуот хизмати хабар ҳам берди.
Хабарда айтилишича, Нурмагомедовнинг карантин муддати икки ҳафтага чўзилиши ҳам мумкин. Агар шундай бўлган тақдирда у 28 январь куни Майами шаҳрида ўтказиладиган ўзининг Eagle FC 44 турнирида қатнаша олмаслиги ҳам мумкин.
Сайгид Изагахмаев кечаги жангда Хабиб Нурмагомедовсиз ҳам америкалик рақиби Жеймс Накашимани иккинчи раундда бўғиш усули билан мағлубиятга учратди.
"Хабибда касалликнинг енгил формаси ўтмоқда. Тана ҳарорати кўтарилмаган. Агар унинг кейинги тест натижаларида касаллик аломатлари аниқланмаса, карантиндан белгиланган муддатдан олдинроқ ҳам чиқиши мумкин", — дейилади Нурмагомедовнинг жамоаси берган маълумотда.
Фикрлар