Кортес-Акостанинг иштаҳаси очилди, у камарни кўзлаяпти

"Агар Мексикадаги UFC турнирида менга жанг тайинланмаса, унда Александр Волков ёки Сирил Ган билан жанг қилишни хоҳлайман. Ўйлайманки, яқин орада Аспиналлнинг жангларини кўрмаймиз. Бу ҳолатда нега вақтинчалик камар учун жанг киритилмас экан? Ким ғалаба қозонса, чемпион билан жанг қилиш ҳуқуқига эга бўлиши керак. Шундай қилсак, менимча тўғри бўларди.

UFC’да айтишлари мумкин: "Вальдо, сен ва Волков вақтинчалик камар учун жанг қиласиз, кейин ғолиб Ган ва Аспиналл ўртасидаги реванш ғолибига қарши чиқади". Ёки вақтинчалик чемпионлик учун Сирил Ган билан жанг қилишимни, ғолиб эса Том Аспиналл билан тўқнаш келишини айтишлари мумкин. Ҳар икки вариант ҳам менга тўғри келади", - дея жангчининг сўзларини келтиради MMAFighting.