Ковингтон Масвидаль ҳақида: "У шунчаки аҳмоқ: хотинини алдайди, солиқлар бўйича алдайди, болалар билан мулоқот қилмайди"

"Мен муносабатларимизда ҳеч қандай ижобий томонларни кўрмаяпман. Биласизми, Хорхе шунчаки, аҳмоқ. У хотинини алдайди, у солиқлар бўйича алдайди, болалар билан мулоқот қилмайди, у одамлардан фойдаланади.

У мендан фойдаланди, чунки унга машғулотларда темпни оширадиган одам керак эди. Ким унга курашишни ўргатиб, ҳар куни у билан машғулот ўтказса, унга ёрдам беради.

Мен унга етиб олиб, яқинлашиб, рейтингда тушириб юборганимдан сўнг, у мени камситишни бошлади ва пул, шон-шуҳрат учун орқамдан пичоқ урди", - деди Ковингтон.

Эслатиб ўтамиз, Ковингтон ва Масвидаль жанги 5 март санасида UFC 272 турнири доирасида бўлиб ўтиши режалаштирилган.