20 окт 11:29
Янгиликлар

Теннис

"Кремль Кубоги". Белинда Бенчич иккинчи финалчи!

Москвада якуни сари яқинлашаётган теннис бўйича "Кремль Кубоги"нинг иккинчи финалчиси ҳам маълум бўлди.

Дунёнинг 10-рақамли теннис маликаси Белинда Бенчич бугун бош соврин учун кортга чиқадиган бўлди. Швейцариялик теннисчи 1 соату 35 дақиқа давом этган ярим финал учрашувида WTA рейтингида 45-поғонада бораётган франциялик Кристина Младеновични 6/3, 6/4 ҳисобида енгди.

Учрашув мобайнида 22 ёшли Бенчич 3, 26 ёшли Младенович эса 6 та эйс зарбасини амалга оширган. Ўзаро учрашувларда франциялик теннисчи катта устунлик (4:1) билан олдинда бормоқда. Бугун Белинда бош соврин учун кечадиган баҳсда россиялик Анастасия Павлюченковага қарши кортга чиқади.