14 окт 17:38
Янгиликлар

Теннис

Кремль Кубоги. Сабина финалда уч сетдан иборат учрашув ўтказди

Россия Федерацияси пойтахти Москва шаҳрида ўтказилаётган теннис бўйича WTA Premier таснифига кирувчи нуфузли турнирнинг саралаш баҳслари якунига етиб боряпти.

Соврин жамғармаси 932 866 АҚШ долларини ташкил этувчи Кремль Кубогида икки ҳамюртимиз - Сабина Шарипова ҳамда Нигина Абдураимова ҳам иштирок этди. Нигина кеча биринчи даврада мағлубиятга учраган бўлса, Сабина исроиллик 23 ёшли Дениз Хазанюкдан устун келганди.

Ҳозиргина якунига етган саралашнинг финал учрашувида ҳамюртимиз россиялик 28 ёшли Виталия Дьяченкога қарши кортга чиқди. Бир соату 54 дақиқа давом этган баҳсда Шарипова 6:4, 3:6, 1:6 ҳисобида имкониятни бой бериб, турнирдаги иштирокини якунлади. Сабина WTA рейтингида 135, Виталия эса 117-ўринни эгаллаб турибди.