07 сен 14:58
Янгиликлар

Теннис

Кристина Куцова Прага "Челленжер" ғолибаси

Чехиянинг Прага шаҳрида аёл теннисчилар ўртасидаги WTA "Челленжер" турнири якунланди.

Ҳал қилувчи финал учрашувида WTA рейтингида 173-поғонада бораётган словакиялик Кристина Куцова дунёнинг 144-ракеткаси бўлиб турган италиялик Элизабетта Коччиареттога қарши кортга чиқди. Роппа-роса 90 дақиқа давом этган баҳс якунида Куцова рақибасини 6/4, 6/3 ҳисобларида мағлубиятга учратди.

Ҳар икки теннисчи ҳам ўзаро илк расмий учрашувларида биттадан эйс зарбасини амалга оширишди. Прагадаги муваффақиятли иштироки Кристинага 48,000 доллар мукофот пули ҳамда 160 рейтинг очкосини тақдим этди. Коччиаррето эса 43,000 доллар ва 95 очко ишлаб олди.